മയക്കുമരുന്ന്  ; ഒരാളെ മട്ടാഞ്ചേരി പോലീസ് പിടികൂടി

മട്ടാഞ്ചേരി  :   പള്ളുരുത്തി SDPY റോഡ് ഭാഗത്ത് താമസിക്കുന്ന ആസിഫ് (23 വയസ്സ്) എന്നയാളെയാണ്  മട്ടാഞ്ചേരി പോലീസ് പിടികൂടിയത്. കഴിഞ്ഞ ഡിസംബർ മാസം  5  കിലോ ഗ്രാം കഞ്ചാവുമായി രാകേഷ് എന്നയാളെ മട്ടാഞ്ചേരി പോലീസ് പിടികൂടിയിരുന്നു. ഇയാളെ ചോദ്യം ചെയ്തതിൽ നിന്നാണ് വിതരണ ശൃഖലയിൽപ്പെട്ട ആസിഫിനെപ്പറ്റി വിവരം ലഭിച്ചത്.  തുടർന്ന് ഇയാളെക്കുറിച്ച് അന്വേഷിച്ചു വരവെ ഇന്നലെ രാത്രി(04.03.2024) തോപ്പുംപടി ചൂലേഴത്ത് ഭാഗത്ത് നിന്ന് പിടികൂടുകയായിരുന്നു. മട്ടാഞ്ചേരി അസിസ്റ്റന്റ് കമ്മീഷണർ  കെ. ആർ. മനോജിന്റെ നിർദ്ദേശാനുസരണം മട്ടാഞ്ചേരി പോലീസ് ഇൻസ്പെക്ടർ ബിജു. എ വി യുടെ നേതൃത്വത്തിൽ സബ്ബ് ഇൻസ്പെക്ടർമാരായ ജിമ്മി ജോസ്, ശിവൻകുട്ടി കെ കെ,  മധുസൂദനൻ,  സീനിയർ സിവിൽ പോലീസ് ഓഫീസർമാരായ എഡ്വിൻ റോസ്, ശ്രീകുമാർ എ. റ്റി, ഹരിപ്രസാദ്  സിവിൽ പോലീസ് ഓഫീസർ ഫെബിൻ  എന്നിവർ ചേർന്നാണ് പ്രതിയെ പിടികൂടി അറസ്റ്റ് ചെയ്തത്. കഞ്ചാവിന്റെ ഉറവിടം സംബന്ധിച്ച് കൂടുതൽ അന്വേഷണം നടത്തിവരികയാണ് .