യുവതിയെ കുത്തിക്കൊല്ലാൻ ശ്രമിച്ച കേസിലെ പ്രതി പിടിയിൽ

ഉദയംപേരൂർ : യുവതിയെ കുത്തിക്കൊല്ലാൻ ശ്രമിച്ച കേസിലെ പ്രതിയെ ഉദയംപേരൂർ പോലിസ് പിടികൂടി. വിബിൻ രാഘവൻ 32 S/o രാഘവൻ, പുല്ലുകാട്ട് ഹൗസ്, Near പുല്ലുകാട്ട് ടെമ്പിൾ, ഉദയംപേരൂർ എന്നയാളാണ് പിടിയിലായത്. 17.03.2024 തിയതി വൈകിട്ട് 04.45 മണിയോടെയാണ് കേസിനാസ്പദമായ സംഭവം ഉണ്ടായത്, യുവതിയും പ്രതിയും തമ്മിലുണ്ടായിരുന്ന പ്രണയബന്ധത്തിൽ നിന്നും യുവതി പിൻമാറിയതിന്റെ വൈരാഗ്യത്താൽ യുവതി വാടകയ്ക്ക് താമസിക്കുന്ന വീട്ടിൽ അതിക്രമിച്ച് കയറിയ  പ്രതി യുവതിയെ മർദ്ദിക്കുകയും കൈവശം കരുതിയിരുന്ന കത്തിയെടുത്ത് കുത്തി പരിക്കേൽപ്പിക്കുകയായിരുന്നു. ഉദയംപേരൂർ പോലിസ് ഇൻസ്പെക്ടർ മനോജിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.