മട്ടാഞ്ചേരിയിലെ അടച്ചിട്ടിരുന്ന വീട്ടിൽ മോഷണം നടത്തിയ 2 പേരെ പിടികൂടി.

മട്ടാഞ്ചേരി  : മട്ടാഞ്ചേരി സുജാത റോഡിലുള്ള അടച്ചിട്ടിരുന്ന വീട്ടിൽ നിന്നും എയർകണ്ടീഷനും, ഫാനുകളും, ബാത്ത്റൂം പൈപ്പ് ഫിറ്റിംങ്സുകളും മറ്റും 6 മാസം മുമ്പ് മോഷണം പോയ കേസ്സിലെ പ്രതികളായ 2 പേരെയാണ് മട്ടാഞ്ചേരി പോലീസ് പിടികൂടിയത്. മട്ടാഞ്ചേരി സ്വദേശികളായ നബീൽ (35 വയസ്സ്) മജീദ് സിറാജ് (34 വയസ്സ്) എന്നിവരെയാണ് പിടികൂടിയത്. കഴിഞ്ഞ ഓഗസ്റ്റ് മാസമാണ് വീട്ടിൽ മോഷണം നടന്നതായി അറിയുന്നത്. തുടർന്ന് മട്ടാഞ്ചേരി പോലീസ് കേസ്സ് രജിസ്റ്റർ ചെയ്ത് അന്വേഷണം നടത്തി വരികയായിരുന്നു. മോഷണം നടന്നതിന് ശേഷം വീട്ടിൽ ഫിറ്റ് ചെയ്ത CCTV ക്യാമറയിൽ വീണ്ടും മോഷണ ശ്രമം നടത്തിയ പ്രതികളുടെ ദൃശ്യം ലഭിച്ചതനുസരിച്ച് മട്ടാഞ്ചേരി പോലീസ് നടത്തിയ അന്വേഷണത്തിൽ പ്രതികൾ പിടിയിലാകുകയായിരുന്നു. പ്രതികളുടെ കുറ്റസമ്മത മൊഴിയിൽ നിന്നും തൊണ്ടിമുതലുകൾ പോലീസ് കണ്ടെടുത്തു. പിടിയിലായ നബീലിനെ മറ്റൊരു മോഷണ കേസ്സിൽ കഴിഞ്ഞ വർഷം മട്ടാഞ്ചേരി പോലീസ് പിടികൂടി റിമാന്റ് ചെയ്തിരുന്നതാണ്. പിന്നീട് ജാമ്യത്തിലിറങ്ങിയ ശേഷം വീണ്ടും മോഷണം നടത്തുകയായിരുന്നു. മട്ടാഞ്ചേരി പോലീസ് അസിസ്റ്റന്റ് കമ്മീഷണർ കിരൺ പി.ബി IPS ന്റെ നിർദ്ദേശാനുസരണം, മട്ടാഞ്ചേരി പോലീസ് ഇൻസ്പെക്ടർ ഷിബിൻ കെ.എ യുടെ നേതൃത്വത്തിൽ സബ്ബ് ഇൻസ്പെക്ടർമാരായ ജിമ്മി ജോസ്, സത്യൻ സീനിയർ സിവിൽ പോലീസ് ഓഫീസർമാരായ എഡ്വിൻ റോസ്, സുനിൽ, സിവിൽ പോലീസ് ഓഫീസർമാരായ ബേബിലാൽ, വിനോദ്, നിഖിൽ, ഉമേഷ് ഉദയൻ, അനീഷ് എന്നിവർ ചേർന്നാണ് പ്രതികളെ പിടികൂടി അറസ്റ്റ് ചെയ്തത്.