കളമശ്ശേരി   പോളിടെക്‌നിക്   കോളേജ്   കഞ്ചാവ്   വേട്ട   മുഖ്യപ്രതി   അറസ്സ്റ്റിൽ

 കളമശ്ശേരി  : കളമശ്ശേരി  പോളിടെക്‌നിക്  കോളേജിൽ  പോലീസ്  നടത്തിയ  കഞ്ചാവ്  വേട്ടയുടെ  മുഖ്യപ്രതിയും  മൂന്നാം  വർഷ  മെക്കാനിക്കൽ  എഞ്ചിനീയറിംഗ്  വിദ്യാർത്ഥിയും,  ഹോളി  ആഘോഷത്തിനായി  ക്യാമ്പസ്സിൽ  വ്യാപക  പിരിവു  നടത്തി   ഈ  കേസ്സിൽ  നിലവിൽ  റിമാൻഡിലായ  പൂർവ  വിദ്യാർത്ഥികളായ  ആഷിക്,  ശാലിക്   എന്നിവർക്ക്   പിരിവു  നടത്തിയ  പണം  കൈമാറി  കഞ്ചാവ്  ക്യാമ്പസ്സിൽ  എത്തിച്ച  മുഖ്യ  പ്രതിയുമായ  അനുരാജ് .  ആർ  (21)  S/o  രാജേന്ദ്രൻ,  മഠത്തിൽ,  പുന്നകുളം,  കരുനാഗപ്പള്ളി, കൊല്ലം  എന്ന  വിദ്യാർത്ഥിയെയാണ്  കളമശ്ശേരി  പോലീസ്  പഴുതുകളടച്ച  അന്വേഷണത്തിലൂടെ  പിടികൂടിയത്.  പൂർവ  വിദ്യാർത്ഥികളുടെ  മൊഴി  അനുസരിച്ചാണ്  ഇയാളിലേക്കു  അന്വേഷണം  എത്തിയത്.  ക്യാമ്പസ്സിൽ  ഏതു  സമയത്തും  കഞ്ചാവ്  എത്തിക്കാൻ  കഴിയുന്ന  വൻ  ലഹരി മാഫിയ  ഇടപാടുകൾ  ചോദ്യം  ചെയ്യലിൽ  നിന്നും  ഇയാളിൽ  നിന്നും  വ്യക്തമായിട്ടുള്ളതാണ്  പോളിടെക്‌നിക്ക്  വിദ്യാർത്ഥികൾക്ക്  വിവിധയിടങ്ങളിൽ  നിന്നും  മൊത്തമായും  ചില്ലറയായും  കഞ്ചാവും  മറ്റു  ലഹരിയുത്പന്നങ്ങളും  എത്തിച്ചു  നൽകിയിരുന്ന   ലഹരി  മാഫിയ  സംഘത്തിലെ  മുഖ്യ  കണ്ണിയാണ്  അനുരാജ്.  ഇയാളുടെ  സാമ്പത്തിക  ഇടപാടുകൾ,  മറ്റു  ലഹരി  മാഫിയ  സംഘങ്ങളുമായുള്ള  ബന്ധം  എന്നിവ  അന്വേഷിച്ചു  വരുന്നു,  ബഹു.  സിറ്റി  പോലീസ്  കമ്മീഷണർ  പുട്ട  വിമലാദിത്യ  IPS ന്റെ  നിർദ്ദേശപ്രകാരം  ബഹു.  ഡെപ്യൂട്ടി  പോലീസ്  കമ്മീഷണർ  അശ്വതി  ജിജി  IPS,  ജുവനപ്പുടി  മഹേഷ്  IPS  എന്നിവരുടെ  മേൽനോട്ടത്തിൽ  തൃക്കാക്കര  അസ്സിസ്റ്റന്റ്  കമ്മീഷണർ  പി. ബി  ബേബി,  കളമശ്ശേരി  പോലീസ്  ഇൻസ്‌പെക്ടർ  ലത്തീഫ്  M.B  എന്നിവരുടെ  നേതൃത്വത്തിൽ ‍  SI  സിംഗ്,  SI  സെബാസ്റ്റ്യൻ  പി.  ചാക്കോ,  SI  രഞ്ജിത്ത്,  ASI  ബിനു,  CPO  മാരായ  മാഹിൻ  അബൂബക്കർ,  ഷിബു,  അരുൺ,  ലിബിൻ  കുമാർ  എന്നിവരടങ്ങിയ  പ്രത്യേക  അന്വേഷണസംഘമാണ്  പ്രതിയെ  പിടികൂടിയത്.