രാസലഹരിയുമായി യുവാവ് പിടിയിൽ

എറണാകുളം : രാസലഹരിയുമായി യുവാവിനെ പനങ്ങാട് പോലിസ് പിടികൂടി. എറണാകുളം, തിരുവാണിയൂർ, ബി.കെ.പുരം, പാലപ്പടി ഭാഗത്ത് വെട്ടിക്കാട്ട് വീട്ടിൽ സോമൻ മകൻ 25 വയസുളള അഖിലേഷ് സോമൻ, എന്നയാളാണ് പിടിയിലായത്. കൊച്ചി സിറ്റി ഡെപ്യൂട്ടി പോലീസ് കമ്മീഷണർ കെ.എസ്. സുദർശൻ IPS ന്റെ  നിർദേശപ്രകാരം 10.03.2024 തീയതി രാത്രി കുമ്പളം ടോൾ ഭാഗത്ത്  പനങ്ങാട് പോലിസ് സബ്ബ് ഇൻസ്പെക്ടർ ഒ.എസ്. ഹരിശങ്കറിന്റെ നേതൃത്തിലുളള പോലിസ് സംഘം വാഹനപരിശോധന നടത്തുന്നതിനിടെയാണ്  3.27 ഗ്രാം MDMA യും 1.76 ഗ്രാം ഗഞ്ചാവും സഹിതം പ്രതി പിടിയിലായത്. സബ്ബ് ഇൻസ്പെക്ടർ ഭരതൻ, എസ്.സിപിഒ മാരായ രാജേഷ്, ഗോകുൽ, സൂരജ്, അജി, ഡ്രൈവർ സീനിയർ സിപിഒ, സുജിത്ത് എന്നിവരും അന്വേഷണ സംഘത്തിലുണ്ടായിരുന്നു.