വധശ്രമത്തിന് ശേഷം ഒളിവിൽ പോയ പ്രതിയെ അറസ്റ്റ് ചെയ്തു

കൊച്ചി സിറ്റി : യുവതിയെ വധിക്കാൻ ശ്രമിച്ച ശേഷം ഒളിവിൽ പോയ പ്രതിയെ അറസ്റ്റ് ചെയ്തു. Farook, Age 25, S/o Bavad Ali, PremNagar, Gadharpur, Adhamsingh Nagar, Pauri, Garhwal. Utharakhand എന്നയാളെയാണ് എറണാകുളം ടൗൺ നോർത്ത് പോലിസ് ഗോവയിൽ നിന്ന് പിടികൂടിയത്. 03.12.2022 തീയതിയാണ് കേസിനാസ്പദമായ സംഭവം ഉണ്ടായത്. പ്രതിയുമായുള്ള സ്നേഹബന്ധത്തിൽ നിന്നും വെസ്റ്റ് ബംഗാൾ സ്വദേശിനിയായ യുവതി പിന്മാറിയത്തിലുള്ള വിരോധം മൂലം യുവതി വാടകയ്ക്ക് താമസിച്ചു വന്നിരുന്ന കലൂർ ആസാദ് റോഡിലുള്ള വീടിനു സമീപം വച്ച് പ്രതി യുവതിയെ വാക്കത്തി കൊണ്ട് ആക്രമിച്ചതിൽ യുവതിയുടെ കൈയ്യിലും പുറംഭാഗത്തും ഗുരതര പരിക്ക് പറ്റുകയായിരുന്നു. തുടർന്ന് എറണാകുളം ടൗൺ നോർത്ത് പോലീസ് സ്റ്റേഷനിൽ കേസ് രജിസ്റ്റർ ചെയ്തു പ്രതിക്കായി അന്വേഷണം നടന്നു വരവെ ആക്രമണത്തിനു ശേഷം വിവിധ സ്ഥലങ്ങളിൽ ഒളിവിൽ കഴിയുകയായിരുന്ന പ്രതിക്കായി കൊച്ചി സിറ്റി ഡെപ്യൂട്ടി പോലീസ് കമ്മീഷണർ കെ.എസ് സുദർശൻ IPS ന്റെ നിർദേശപ്രകാരം പ്രത്യേക അന്വേഷണ സംഘം രൂപീകരിച്ച് നടത്തിയ അന്വേഷണത്തിനുടുവിലാണ് പ്രതി ഗോവയിൽ ഉള്ളതായി അറിവായതിനെത്തുടർന്നു എറണാകുളം ടൗൺ നോർത്ത് പോലീസ് ഗോവയിൽ എത്തി പ്രതിയെ സാഹസികമായി പിടികൂടിയത്. എറണാകുളം ടൗൺ നോർത്ത് പോലീസ് സ്റ്റേഷൻ SHO പ്രതാപചന്ദ്രന്റെ നേതൃത്വത്തിൽ സബ്ബ് ഇൻസ്പെക്ടർമാരായ രതീഷ്.ടി.എസ്. ആഷിഖ്.എൻ. സിവിൽ പോലീസ് ഓഫീസർമാരായ വിനീത്.പി, അജിലേഷ്‌. മഹേഷ്, റിനു, എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.