ട്രെയിനിൽ മയക്കുമരുന്ന് പരിശോധന

എറണാകുളം  : കൊച്ചി സിറ്റിയിൽ ട്രെയിൻ മാർഗ്ഗം വലിയതോതിൽ ലഹരിവസ്തുക്കൾ കടത്തുന്നുണ്ടെന്ന് കൊച്ചി സിറ്റി പോലീസ് കമ്മീഷണര്‍ എസ് ശ്യാംസുന്ദർ IPS ന് ലഭിച്ച വിവരത്തിന്റെ അടിസ്ഥാനത്തിൽ ഡെപ്യൂട്ടി പോലീസ് കമ്മീഷണർ കെ.എസ്. സുദർശൻ ഐപിഎസ് ന്റെ നിർദ്ദേശാനുസരണം കൊച്ചി സിറ്റി പോലീസും എക്‌സൈസ് ഡിപ്പാർട്ട്മെന്റ് ചേർന്ന് ട്രെയിനുകളിലും എറണാകുളം നോർത്ത്, സൗത്ത് റെയിൽവേ സ്റ്റേഷനുകളിലും സ്‌നിഫർ ഡോഗിന്റെ സഹായത്താൽ പരിശോധന നടത്തി. പരിശോധനയിൽ ആലപ്പുഴ ധൻബാദ് എക്സ്പ്രസ്സിൽ നിന്നും ഗഞ്ചാവ് മിഠായി പിടിച്ചെടുത്തിട്ടുള്ളതാണ്. 40 മിഠായികൾ അടങ്ങിയ രണ്ടു പാക്കറ്റ് ആണ് കണ്ടെടുത്തത് ഈ കാര്യത്തിന് എറണാകുളം സെൻട്രൽ പോലി്സ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു. പരിശോധനയ്ക്ക് നർകോട്ടിക് സെൽ അസിസ്റ്റന്റ് കമ്മീഷണർ ബാലകൃഷ്ണൻ, എക്സൈസ് അസിസ്റ്റന്റ് കമ്മീഷണർ ജിമ്മി എന്നിവർ നേതൃത്വം നൽകി. എക്സൈസ് സർക്കിളിൽ ഇൻസ്പെക്ടർ  സുരേഷിന്റെ നേതൃത്വത്തിലുള്ള എക്സൈസ് പാർട്ടിയും, SI രാമുവിന്റെ നേതൃത്വത്തിലുള്ള ഡാൻസാഫ് യോദ്ധാവ് സ്‌ക്വാഡ്, SI രജിരാജിന്റെ നേതൃത്വത്തിൽ എറണാകുളം സെന്റട്രൽ പോലീസ് സ്റ്റേഷനിൽ നിന്നുള്ള പാർട്ടിയും റെയിൽവേ പ്രൊട്ടക്ഷൻ ഫോഴ്സും, റെയിൽവേ പോലീസും, ഡോഗ്സ്കോഡും പരിശോധനയിൽ പങ്കെടുത്തു.