കാപ്പ നിയമ ലംഘനം നടത്തിയ പ്രതി പിടിയിൽ

എറണാകുളം : കാപ്പ നിയമ ലംഘനം നടത്തിയ പ്രതി പിടിയിൽ. എറണാകുളം, വേളൂർ, ഫാക്ട്‌ട് കോളനിയിൽ, വെള്ളുമന കുഴികരോട്ട് വീട്ടിൽ, സന്തോഷ് മകൻ 21 വയസ്സുള്ള അലൻ സന്തോഷ് എന്നയാളെയാണ് അമ്പലമേട് പോലിസ് അറസ്റ്റ് ചെയ്തത്. കൊച്ചി സിറ്റിയിലെ അമ്പലമേട് പോലീസ് സ്റ്റേഷന്റെയും എറണാകുളം റൂറൽ പോലീസ് ജില്ലയിലെ പുത്തൻകുരിശ് പോലീസ് സ്റ്റേഷന്റെയും അധികാരപരിധിയിൽ വരുന്ന പ്രദേശങ്ങളിൽ വിവിധ വകുപ്പുകൾ പ്രകാരമുള്ള കുറ്റകൃത്യങ്ങളിലെ പ്രതിയും പൊതുജന സമാധാന ലംഘന പ്രവർത്തനങ്ങളിൽ സ്ഥിരമായി ഏർപ്പെട്ടുവന്ന  അലൻ സന്തോഷിനെ കാപ്പ ചുമത്തി എല്ലാ ആഴ്ച്ചയിലും സ്റ്റേഷനിൽ റിപ്പോർട്ട് ചെയ്യുന്നതിന് നിർദേശിച്ചിരുന്നതുമാണ്. എന്നാൽ പ്രതി അമ്പലമേട് സ്റ്റേഷൻ പരിധിയിൽ ഉത്സവപ്പറമ്പിൽ അടിപിടി ഉണ്ടാക്കി ടി നിയമത്തിലെ വ്യവസ്ഥകൾ ലംഘിച്ചതിനെ തുടർന്ന് ഡെപ്യുട്ടി പോലീസ് കമ്മീഷണർ കെ,എസ് സുദർശൻ  IPS ന്റെ നിർദേശ പ്രകാരം അമ്പലമേട് പോലീസ്  കേസ്  രജിസ്റ്റർ ചെയ്യുകയും  ഇൻസ്പെക്ടർ  ശിവകുമാറിന്റെ  നേതൃത്വത്തിലുളള പോലിസ് സംഘം  പ്രതിയെ അറസ്റ്റ് ചെയ്യുകയായിരുന്നു. ഇത്തരം സാമൂഹിക വിരുദ്ധ പ്രവർത്തനങ്ങളിൽ ഏർപ്പെടുന്നവർക്കെതിരെ തുടർന്നും ശക്തമായ നടപടികൾ സ്വീകരിക്കുന്നതാണെന്ന് കൊച്ചി സിറ്റി പോലീസ് കമ്മീഷണർ അറിയിച്ചു.