എറണാകുളം : ഓപ്പറേഷൻ തൂഫാൻ നാർക്കോ ഹണ്ടിന്റെ ഭാഗമായി ചേരാനല്ലൂർ, എറണാകുളം സെൻട്രൽ പോലീസ് സ്റ്റേഷൻ പരിധിയിലായി എംഡിഎംഎയും കഞ്ചാവുമായി 2 അന്യസംസ്ഥാന തൊഴിലാളികൾ ഉൾപ്പെടെ 3 പേരെ കൊച്ചി സിറ്റി പോലീസ് പിടികൂടി. കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐ പി എസിനു ലഭിച്ച രഹസ്യ വിവരത്തിന്റെ അടിസ്ഥാനത്തിൽ ചേരാനല്ലൂർ ഫെഡറൽ ബാങ്ക് ലിങ്ക് റോഡിന് സമീപമുള്ള വീട്ടിൽ നടത്തിയ പരിശോധനയിൽ 8.59 ഗ്രാം എംഡിഎംഎയുമായി സബിൻ സാബു , വയസ്-25, ചെമ്പൊടിച്ചിറ, വെള്ളൂർ, കോട്ടയം എന്നയാളെ പിടികൂടി. എറണാകുളം എ എൽ ജേക്കബ് റോഡിന് സമീപത്തു നിന്നും 1.992 കി.ഗ്രാം കഞ്ചാവുമായി 1) ചിറാജുൽ ഹഖ്, വയസ്- 28, കാമ്പൂർ, നഗോൺ, ആസാം. 2) ബസ്തബ് ബീറോ 26, സുലുബ, ഗജപതി, ഒഡീഷ. എന്നിവരെയും പിടികൂടി. കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐ പി എസ്ന്റെ നിർദ്ദേശപ്രകാരം , ഡി സി പി മാരായ അശ്വതി ജിജി ഐ പി എസ്, അരുൺ കെ പവിത്രൻ ഐ പി എസ് എന്നിവരുടെ മേൽനോട്ടത്തിൽ നാർക്കോട്ടിക് സെൽ അസിസ്റ്റൻറ് കമ്മീഷണർ ടി ഡി സുനിൽകുമാറിന്റെ നേതൃത്വത്തിലുള്ള കൊച്ചി സിറ്റി ഡാൻസാഫ് ടീമാണ് പ്രതികളെ പിടികൂടിയത്.
Leave a Reply