കൊച്ചി : ഓപ്പറേഷൻ തൂഫാൻ നാർക്കോ ഹണ്ടിന്റെ ഭാഗമായി കൊച്ചി പോലീസ് നടത്തിയ പരിശോധനയിൽ എം ഡി എം എ പിടികൂടി. തൃക്കാക്കര പോലീസ് സ്റ്റേഷൻ പരിധിയിൽ മൂലേപ്പാടം റോഡിന് സമീപത്ത് നിന്നും 11.10 ഗ്രാം കൊമേഴ്സ്യൽ ക്വാണ്ടിറ്റി എം ഡി എം എയുമായി സിയാദ് എ യു 46/26 , കറുപ്പത് പറമ്പ്, ചുള്ളിക്കൽ, തോപ്പുംപടി, എറണാകുളം എന്നയാളെയാണ് പിടികൂടിയത്. പ്രതിയുടെ കൈയ്യിൽ നിന്നും മയക്കുമരുന്ന് കച്ചവടത്തിലൂടെ സമ്പാദിച്ച 15000 രൂപയും എം ഡി എം എ ഉപയോഗത്തിനായി ഉപയോഗിക്കുന്ന ഫ്യൂമിൻ പൈപ്പും പോലീസ് പിടികൂടി. ഓപ്പറേഷൻ തൂഫാൻ്റെ ഭാഗമായി വിദ്യാർത്ഥികൾക്കും യുവാക്കുമിടയിലെ മയക്കുമരുന്ന് ഉപയോഗത്തിനെതിരെ ശക്തമായ നടപടിയാണ് കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐപിഎസ്സിന്റെ നേതൃത്വത്തിൽ നടത്തി വരുന്നത്. ഡിസിപിമാരായ അരുൺ കെ പവിത്രൻ ഐപിഎസ്, മോഹിത് റാവത്ത് ഐപിഎസ് എന്നിവരുടെ മേൽനോട്ടത്തിൽ നാർക്കോട്ടിക് സെൽ അസിസ്റ്റൻ്റ് കമ്മീഷണർ അനന്തലാൽ എ ൻ്റെ നേതൃത്വത്തിലുള്ള ഡാൻസാഫ് ടീമാണ് പ്രതിയെ പിടികൂടിയത്.
Leave a Reply