അനധികൃതമദ്യം സൂക്ഷിച്ച് വില്പന നടത്തിവന്നിരുന്നയാൾ പിടിയിൽ

   ഫോർട്ട്കൊച്ചി  :  ഫോർട്ട്കൊച്ചി അമരാവതിയിൽ അനധികൃതമദ്യം സൂക്ഷിച്ച്  ഡ്രൈ ഡേകളിൽ അമിത വിലയ്ക്ക് വില്പന നടത്തിവന്നിരുന്ന അമരാവതി അയോദ്ധ്യപറമ്പ് മണികണ്ഠൻ, 48 വയസ്സ്, S/o ചന്ദ്രൻ എന്നയാളെയാണ് ഫോർട്ട് കൊച്ചി പോലീസ് അറസ്റ്റ് ചെയ്തത്.  500 ML ഉൾക്കൊള്ളുന്ന 18 ഓളം കുപ്പികളിലായി സൂക്ഷിച്ചിരുന്ന 9 ലിറ്ററോളം അനധികൃത മദ്യം ഇയാളുടെ വീട്ടിൽ നിന്നും പോലീസ് കണ്ടെടുത്തു. കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐപിഎസ്സിന്റെ നിർദ്ദേശാനുസരണം മട്ടാഞ്ചേരി അസിസ്റ്റന്റ് കമ്മീഷണർ അജിത് കുമാർ, ഫോർട്ട് കൊച്ചി സിഐ വിപിൻ ദാസ് എന്നിവരുടെ നേതൃത്വത്തിൽ, ഫോർട്ട്കൊച്ചി പോലീസ് സ്റ്റേഷൻ എസ്എച്ഛ്ഓ എസ്ഐ അജ്മൽ ഹുസൈൻ,  എസ്ഐ സന്തോഷ് കുമാർ, എഎസ്ഐമാരായ ശ്രീകുമാർ, നിഷ, എസ് സി പി ഓമാരായ അനീഷ് ടി ആർ, വിപിൻ വി, അനീഷ് കെ ടി , സി പി ഓമാരായ ഉമേഷ് ഉദയൻ, പ്രജീഷ്, അജിത്, അബുതാലിബ് എന്നിവർ ചേർന്ന് പ്രതിയുടെ അമരാവതിയിലുള്ള വീട്ടിൽ നിന്നാണ്  അനധികൃത മദ്യശേഖരം കണ്ടെത്തിയതും പ്രതിയെ അറസ്റ്റ് ചെയ്തതും. ബഹു JFCM കോടതിയിൽ ഹാജരാക്കിയ പ്രതിയെ ബഹു കോടതി റിമാൻഡ് ചെയ്തിട്ടുള്ളതാണ്.