രാജസ്ഥാനിൽ റിട്ടയർ ചെയ്ത ജഡ്ജിയുടെ പക്കൽനിന്നും വെർച്വൽ   അറസ്റ്റ് ചെയ്യും എന്നു പറഞ്ഞ് രണ്ടരക്കോടി തട്ടിയെടുത്ത കേസിലെ സംഘാംഗം പിടിയിൽ

  കൊച്ചി :  രാജസ്ഥാനിൽ റിട്ടയർ ചെയ്ത ജഡ്ജിയുടെ പക്കൽ നിന്നും വെർച്വൽ  അറസ്റ്റ് ചെയ്യും എന്നു പറഞ്ഞ് രണ്ടരക്കോടി തട്ടിയെടുത്ത കേസിലെ സംഘാംഗം കൊച്ചിയിൽ  പിടിയിൽ. രാജസ്ഥാനിലെ റിട്ടയർ ചെയ്ത ജഡ്ജിയായ പരാതിക്കാരൻ പുൽവാമ കേസിലെ ഹവാലാ ഇടപാടിൽ ബന്ധപ്പെട്ടിട്ടുണ്ടെന്നും ഇക്കാര്യത്തിനായി അറസ്റ്റ് ചെയ്യുമെന്നും പറഞ്ഞാണ് പ്രതികൾ പരാതിക്കാരനെ തട്ടിപ്പിനിടയാക്കിയത്.  രാജസ്ഥാനിൽ നിന്നുള്ള പോലീസ് സംഘം കൊച്ചിയിൽ എത്തുകയും, കൊച്ചി സിറ്റി പോലീസിനോട് സഹായം ആവശ്യപ്പെടുകയും തുടർന്ന് എറണാകുളം സെൻട്രൽ എസിപി സിബി ടോമിന്റെ നേതൃത്വത്തിലുള്ള ഇൻവെസ്റ്റിഗേഷൻ ടീം രാജസ്ഥാൻ പോലീസിനോടൊപ്പം ചേർന്നു നടത്തിയ അന്വേഷണത്തിലാണ് പ്രതി വരാപ്പുഴയിൽ നിന്നും   പിടിയിലായത്. ഈ കേസിലേക്ക് കൂടുതൽ പ്രതികൾ കേരളത്തിൽ നിന്നുള്ളവരാണെന്ന് രാജസ്ഥാൻ പോലീസ് അറിയിച്ചു. ആനന്ദ് ബാബു, വയസ്-32, S/0 ബാബു ചിറ്റേത്, മണ്ണാംതുരുത്ത്, വരാപ്പുഴ, എറണാകുളം  എന്നയാളെയാണ്  അന്വേഷണസംഘം അറസ്റ്റ് ചെയ്തത്. അന്വേഷണസംഘത്തിൽ സബ് ഇൻസ്പെക്ടർ അനൂപ് സി, ഹരീഷ്, ഇ എം ഷാജി അസിസ്റ്റന്റ് സബ് ഇൻസ്‌പെക്ടർ സുനിൽ ജലീൽ എസ് സിപിഓമാരായ ഹരീഷ് ബാബു, വിബിൻ, ഷിജിത്ത് എന്നിവർ ഉണ്ടായിരുന്നു.