ചങ്ങമ്പുഴ നഗർ : കളമശ്ശേരി, ചങ്ങമ്പുഴ നഗറിലെ പൂട്ടിയിട്ട വീട്ടിൽ അതിക്രമിച്ച് കയറി നാലര പവൻ സ്വർണാഭരണങ്ങൾ മോഷ്ടിച്ച കേസിൽ രണ്ടുപേരെ കളമശ്ശേരി പോലീസ് പിടികൂടി. മോഷണം നടത്തിയ പ്രതിയെയും മോഷ്ടിച്ച സ്വർണാഭരണങ്ങൾ പണയം വയ്ക്കാൻ സഹായിച്ച കൂട്ടുപ്രതിയെയുമാണ് 24 മണിക്കൂറിനകം ആലപ്പുഴയിൽനിന്ന് പിടികൂടിയത്. 1) ധൻരാജ് യാദുവംശി (27 വയസ്സ്), S/o കൃഷ്ണ യാദുവംശി, ഗാവ്: മണ്ടായി, ബഡ്ഗാവ് പി.ഒ., ബേതുൽ ജില്ല, മധ്യപ്രദേശ്, 2) ശ്യാംകുമാർ കെ.യു. (34/26 വയസ്സ്), S/o ഉദയകുമാർ, കരോട്ടുവഴിയിൽ വീട്, കലവൂർ പി.ഒ., അമ്പലപ്പുഴ താലൂക്ക്, ആലപ്പുഴ എന്നിവരാണ് പിടിയിലായത്. കളമശ്ശേരി സർക്കിൾ ഇൻസ്പെക്ടർ അഭിലാഷ് എ.എൽ.ന്റെ നേതൃത്വത്തിൽ കളമശ്ശേരി സി ഐ ഷംഭു, സി.പി.ഒമാരായ മാഹിൻ അബൂബക്കർ, അനീഷ്, ബൈജു, വിനു എന്നിവർ ചേർന്നാണ് പ്രതികളെ പിടികൂടിയത്. പ്രതികളെ ബഹുമാനപ്പെട്ട കളമശ്ശേരി കോടതിയിൽ ഹാജരാക്കി. കോടതി റിമാൻഡ് ചെയ്ത പ്രതികളെ കാക്കനാട് ജില്ലാ ജയിലിലേക്ക് അയച്ചു.
പൂട്ടിയിട്ട വീട്ടിൽ കയറി നാലരപവൻ സ്വർണം കവർന്നു; പ്രതികളെ പോലീസ് പിടികൂടി


Leave a Reply