കടവന്ത്ര : എഴുപതുകാരിക്കെതിരെ ലൈംഗീകാതിക്രമം നടത്തിയ പ്രതി പോലീസ് പിടിയിൽ. എറണാകുളം KAAPI & CO കോഫി ഷോപ്പിലെ ജോലിക്കാരനായ തോപ്പുംപടി ചുള്ളിക്കൽ ചക്കനാട്ട് ക്ഷേത്രത്തിനു സമീപം എ പി ജോസഫ് റോഡിൽ H. No. 14/1946ൽ താമസം ഇക്ബാൽ മകൻ യാസിർ അഫ്രീദ് (29) ആണ് കടവന്ത്ര പോലീസിന്റെ പിടിയിലായത്. 13.11.2026 തീയ്യതി പുലർച്ചെ 03.00 മണിയോടെ എളംകുളം വില്ലേജ് നോർത്ത് ഗിരിനഗർ കോളനി ഭാഗത്തുള്ള റോഡിൽ കൂടി പ്ലാസ്റ്റിക് വേസ്റ്റ് ശേഖരിക്കുന്നതിനായി പോകുകയായിരുന്ന 70 വയസുള്ള സ്ത്രീയെ പ്രതി പിന്നിലൂടെ വന്ന് വായ് പൊത്തിപ്പിടിച്ച് തള്ളി നിലത്ത് വീഴ്ത്തി ലൈംഗീകമായി പീഢിപ്പിക്കുന്നതിനായി ശ്രമിക്കവെ, സ്ത്രീ ഒച്ചവെച്ച് വിളിച്ചതിനെ തുടർന്ന് പ്രതി സ്ഥലത്തു നിന്നും ബൈക്കിൽ രക്ഷപെടുകയായിരുന്നു. തുടർന്ന് കൊച്ചി സിറ്റി പോലീസ് കമ്മീഷണർ ശ്രീ ആർ നിശാന്തിനി ഐപിഎസ്സിന്റെ നിർദ്ദേശാനുസരണം, കൊച്ചി സിറ്റി ഡെപ്യൂട്ടി പോലീസ് കമ്മീഷണർ ശ്രീ അരുൺ കെ പവിത്രൻ ഐപിഎസ്, എറണാകുളം സെൻട്രൽ അസിസ്റ്റൻറ് പോലീസ് കമ്മീഷണർ ശ്രീ സിബി ടോം എന്നിവരുടെ നേതൃത്വത്തിൽ കടവന്ത്ര സർക്കിൾ ഇൻസ്പെക്ടർ ശ്രീ വിനോദ് ആർ, കടവന്ത്ര പോലീസ് സ്റ്റേഷൻ സബ്ബ് ഇൻസ്പെക്ടർ ശ്രീ ഹരികൃഷ്ണൻ ആർ, സ്റ്റേഷനിലെ പോലീസ് ഉദ്യോഗസ്ഥരായ അനീഷ്, ഷിബു, എന്നിവരും കമ്മീഷണറുടെ സ്പെഷ്യൽ സ്ക്വാഡിലെ ഹരി, എഡ്വിൻ, ബിബിൻ, ഉണ്ണികൃഷ്ണൻ, സുനിൽ, രമ്യ എന്നീ പോലീസ് ഉദ്യോഗസ്ഥരും, എറണാകുളം സെൻട്രൽ അസിസ്റ്റൻറ് പോലീസ് കമ്മീഷണറുടെ സ്ക്വാഡിലെ സബ്ബ് ഇൻസ്പെക്ടർ ഷാജി, പ്രശാന്ത്, വിബിൻ, അജിലേഷ്, സുനിൽ എന്നീ പോലീസ് ഉദ്യോഗസ്ഥരും ചേർന്ന് സിസിടിവി ക്യാമറകൾ കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
എഴുപതുകാരിക്കെതിരെ ലൈംഗീകാതിക്രമം നടത്തിയ പ്രതി പോലീസ് പിടിയിൽ


Leave a Reply