കാപ്പ ചുമത്തി തടവിലാക്കി

കൊച്ചി : കൊച്ചി സിറ്റി പരിധിയിലെ വിവിധ പോലീസ് സ്റ്റേഷനുകളിൽ നരഹത്യാ ശ്രമം, കൂട്ടായമ കവർച്ച ഉൾപ്പെടെ വിവിധ വകുപ്പുകൾ പ്രകാരമുള്ള ഗുരുതര കുറ്റ കൃത്യങ്ങളിലെ പ്രതിയും പൊതുജന സമാധാന ലംഘന പ്രവർത്തനങ്ങളിൽ സ്ഥിരമായി ഏർപ്പെട്ടുവരുന്നതുമായ എറണാകുളം ജില്ല, കൊച്ചി താലൂക്കിൽ, പാണ്ടിക്കുടി, തൈക്കൽ വീട്ടിൽ നിന്നും തോപ്പുംപടി, പോളക്കണ്ടം ഭാഗത്ത്, H. No. 16/398, വീട്ടിൽ താമസിക്കുന്ന വർഗ്ഗീസ് മകൻ ലൂഥർ ബെൻ (35) എന്നയാളെയാണ് KAAPA പ്രകാരം അറസ്റ്റ് ചെയ്‌തത്. സ്ഥിരം കുറ്റ കൃത്യങ്ങളിൽ ഏർപ്പെട്ടു വരുന്ന ഇയാളെ കാപ്പ സെക്ഷൻ 3(1) പ്രകാരം കരുതൽ തടങ്കലിൽ പാർപ്പിക്കുന്നതിന് കൊച്ചി സിറ്റി പോലീസ് ഡെപ്യൂട്ടി കമ്മീഷണർ ശ്രീ K.S.സുദർശൻ I.P.S. സമർപ്പിച്ച റിപ്പോർട്ടിൻ്റെ അടിസ്ഥാനത്തിലാണ് എറണാകുളം ജില്ലാ കളക്‌ടർ ഉത്തരവ് പുറപ്പെടുവിച്ചത്. കഴിഞ്ഞമാസം പാലാരിവട്ടം കേസിൽ പ്രതിയായ ലൂഥർ ബെൻ ജാമ്യത്തിലിറങ്ങിയ ശേഷം ജാമ്യ വ്യവസ്ഥ പാലിക്കാതെ ഒളിവിൽ കഴിഞ്ഞു വരവെ മട്ടാഞ്ചേരി അസിസ്റ്റന്റ് പോലീസ് കമ്മീഷണർ ശ്രീ മനോജ് K. R. ൻ്റെ നേതൃത്വത്തിൽ തോപ്പുംപടി SHO ഫിറോസ് A, SI അനുരാജ്, ASI ലാലൻ SCPO ശ്രീരാജ്, CPO ബിബിൻ മോൻ,ജോർജ് സാംസൺ എന്നിവരുൾപ്പെട്ട സംഘം അറസ്റ്റ് ചെയ്‌തത്‌. സാമൂഹ്യ വിരുദ്ധ പ്രവർത്തനങ്ങളിൽ ഏർപ്പെടുന്ന ഇത്തരം വ്യക്തികൾക്കെതിരെ തുടർന്നും ശക്തമായ നടപടികൾ സ്വീകരിക്കുന്നതാണെന്നും ഇത്തരക്കാരെ പ്രത്യേകമായി നിരീക്ഷിച്ച് വരികയാണെന്നും കൊച്ചി സിറ്റി പോലീസ് കമ്മീഷണർ ശ്രീ. എസ്.ശ്യാംസുന്ദർ I.P.S. അറിയിച്ചു.

.