കൊച്ചിയിൽ വൻ രാസലഹരി വേട്ട യുവാവ്  പിടിയിൽ

കൊച്ചി :  MDMA കൊച്ചിയിലേക്ക് എത്തിക്കുന്ന വൻ റാക്കറ്റുമായി ബന്ധമുള്ള യുവാവിനെ കൊച്ചി സിറ്റി പോലീസ് പിടികൂടി.    മലപ്പുറം വെളിയങ്കോട് ചാടിറക്കത്ത് വീട്ടിൽ മുഹ്സിൻ 31, എന്നയാളെയാണ് 69.99 gm MDMA യുമായി പോലീസ് പിടികൂടിയത്. യുവാക്കൾക്കിടയിൽ വിൽപ്പന നടത്തുന്നതിന് രാസ ലഹരി കൊണ്ടുവരുന്നതായി  കൊച്ചി സിറ്റി പോലീസ്  കമ്മീഷണർ പുട്ട വിമലാദിത്യ  IPS ന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഡെപ്യൂട്ടി പോലീസ് കമ്മീഷണർ  സുദർശൻ, IPS ന്റെ നിർദ്ദേശാനുസരണം നാർക്കോട്ടിക് സെൽ ACP K A അബ്ദുൽസലാമിന്റെ നേതൃത്വത്തിലുള്ള ഡാൻസാഫ് ടീം എറണാകുളം നോർത്ത് ഭാഗത്ത് ഹോസ്റ്റലിൽ നിന്നും 12.12 gm MDMA യുമായി പ്രതിയെ പിടികൂടിയതിനുശേഷം പ്രതി കച്ചവടത്തിനായി കൊണ്ടുവന്ന MDMA പ്രതി വാടകയ്ക്ക്  താമസിക്കുന്ന മെയ് ഫസ്റ്റ് റോഡിന് സമീപത്തുള്ള വീട്ടിൽ വെച്ചിട്ടുണ്ടെന്ന വിവരത്തിന്റെ അടിസ്ഥാനത്തിൽ  അവിടെ നിന്നും 57.87 gm MDMA കൂടി കണ്ടെത്തുകയായിരുന്നു.