രാസ ലഹരിയുമായി യുവാവ് പിടിയിൽ

തൃക്കാക്കര  :  ഓപ്പറേഷൻ തൂഫാൻ നാർക്കോ ഹണ്ടിന്റെ ഭാഗമായി തൃക്കാക്കര  പോലീസ് സ്റ്റേഷൻ പരിധിയിൽ കൊച്ചി സിറ്റി പോലീസ് നടത്തിയ പരിശോധനയിൽ വൻ രാസലഹരി വേട്ട. വാഴക്കാല മൂലേപ്പാടം റോഡിന് സമീപമുള്ള ലോഡ്ജിൽ നിന്നും സെയ്ദലി, Age- 26, റോസ് ഹൗസ്, വട്ടയിൽ, തിരുവമ്പാടി, ആലപ്പുഴ എന്നയാളെ  38.780 ഗ്രാം എംഡിഎംഎയുമായി പിടികൂടി.  പ്രതി എംഡിഎംഎ കടത്തുവാൻ ഉപയോഗിച്ചിരുന്ന വാഹനവും പോലീസ് പിടികൂടിയിട്ടുളളതാണ്.  പ്രതിയുടെ രാസ ലഹരി ശൃംഖലയെ കുറിച്ച് പോലീസ് അന്വേഷിച്ചു വരികയാണ്. കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐ പി എസിനു
ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഡി സി പി അരുൺ കെ പവിത്രൻ ഐ പി എസിന്റെ മേൽനോട്ടത്തിൽ  നാർക്കോട്ടിക് സെൽ അസിസ്റ്റന്റ്  കമ്മീഷണർ  മനോജ് കുമാർ ആറിന്റെ നേതൃത്വത്തിലുള്ള ഡാൻസാഫ്  ടീമാണ് പ്രതിയെ പിടികൂടിയത്.