രാജ്യാന്തര മനുഷ്യക്കടത്ത്   പെൺവാണിഭസംഘത്തിലെ പ്രതികൾ അറസ്റ്റിൽ

കൊച്ചി: പെൺകുട്ടികളെ മോഡലിംഗ്, മേക്കപ്പ് ആർട്ടിസ്റ്റ് ജോലി വാഗ്ദാനം ചെയ്ത് വിദേശത്ത് കൊണ്ടുപോയി മയക്ക് മരുന്നിന് വിധേയരാക്കി ലൈംഗീക വ്യാപാരത്തിന് ഉപയോഗിച്ചു വന്നിരുന്ന രാജ്യാന്തര മാഫിയ സംഘത്തിലെ അംഗങ്ങളെയാണ് അറസ്റ്റ് ചെയ്തത്. പെരുമ്പാവൂർ കോട്ടപ്പടി സ്വദേശിയായ സ്റ്റോയ് സി സിന്ധു,  തിരുവനന്തപുരം സ്വദേശിയായ അലീന എബ്രഹാം, പൊന്നാനി സ്വദേശിയായ മഞ്ജിമ എന്നിവരാണ് പോലീസിന്റെ പിടിയിലായത്. കേസെടുത്ത വിവരമറിഞ്ഞ് വിദേശത്തേക്ക് രക്ഷപ്പെടുന്നതിനിടെ മുംബൈ എയർപോർട്ടിൽ നിന്നാണ് സ്റ്റോയ്‌ സി . സിന്ധുവിനെ അറസ്റ്റ് ചെയ്തത്. നിരവധി പെൺകുട്ടികളെ സംഘം ലൈംഗിക ചൂഷണത്തിന് ഇരയാക്കിയിട്ടുണ്ടെന്ന് സംശയിക്കപ്പെടുന്നു .കൊച്ചി സിറ്റി പോലീസ് കമ്മീഷണർ ശ്രീ കാളിരാജ് മഹേഷ് കുമാർ ഐ പി എസ് അവർകൾ ഡെപ്യൂട്ടി പോലീസ് കമ്മീഷണർ ശ്രീമതി അശ്വതി ജിജി ഐ പി എസ്   അവർകളുടെ മേൽനോട്ടത്തിൽ രൂപീകരിച്ച എറണാകുളം അസി. കമ്മീഷണർ ഓഫ് പോലീസ് ശ്രീ സുരേഷ് കെ ജി, മരട് പോലീസ് സ്റ്റേഷൻ ഇൻസ്പെക്ടർ ശ്രീ അബ്ദുൾ മനാഫ് എന്നിവരുടെ നേതൃത്ത്വത്തിലുള്ള പ്രത്യേക അന്വേഷണസംഘമാണ് പ്രതികളെ അറസ്റ്റ് ചെയ്തത്. സംഘത്തിൽ കൂടുതൽ പ്രതികൾ ഉൾപ്പെട്ടിട്ടുണ്ടോ എന്ന് അന്വേഷിച്ചു വരുന്നു. ബഹുമാനപ്പെട്ട കോടതി മുമ്പാകെ ഹാജരാക്കിയ പ്രതികളെ റിമാൻറ് ചെയ്തു.